Бәрәңгедән тәмле пицца рецепты

Кирәк була: 450 грамм бәрәңге, 1 йомырка, 1 кашык он,1 калак киптерелгән сарымсак, 1 калак кипкән аш тәмләткеч үләннәр, тәменчә тоз һәм борыч.
Эчлек өчен: 80 грамм колбаса яисә пешкән ит, 1-2 помидор, ярты суган, 10 оливки, 150 грамм сыр, 2 кашык кетчуп, бер бүлем сарымсак.
Бәрәңгене кыргычтан чыгарып, сөзгечкә салабыз да, салкын су белән әйбәтләп чайкыйбыз. Артык суын сыгып алабыз. Шуңа йомырка, тоз, он, тәмләткечләр кушабыз һәм яхшылап төябез.
Кызган табаны майлап, шунда бәрәңгене тигез итеп җәеп салабыз. Утта 2 минут кыздырганнан соң, капкач каплыйбыз һәм утны киметеп, тагын биш минут пешерәбез. Шуннан әзер бәрәңге “коймагын” әйләндереп икенче ягын да кыздырабыз. Әзер булгач, өстенә вакланган сарымсакны кетчуп белән бутап, ягабыз. Өстенә сырның 3/2 өлешен сибәбез. Суган, колбаса һәм оливки тезәбез һәм иң өстенә калган сырны өстибез. 
Пиццаны 210 градуста15 минут пешерәбез.

Фото: https://pixabay.com/ru