Красноярск керәшеннәре туганнарын эзли

Иван Игнатьевич Журавлев 1891 елда (төгәл булмаска да мөмкин) Мамадыш районының Кумырык авылында туган. Кушаматлары “Торналар”, туганнарының фамилиясе Игнатьевлар да булырга мөмкин. Беренче хатыныннан Герасим белән Иван исемле уллары булган (туган еллары билгеле түгел).

Себер якларына чыгып китәр алдыннан, икенче хатыны, минем әбием Анна Степановнага (1894 елда туган) өйләнә, дип яза Галина. Төмән өлкәсендә балалары Екатерина, Анастасия, Григорий һәм Полина туа. Соңрак алар Красноярск өлкәсе Пиров районының Комаровка авылына килеп төпләнәләр.

Мамадышта бабабыз белән бертуган Журавлев (Игнатьев) Филипп Игнатьевичның балалары, оныклары яшәве мөмкин, ди Галина Ахмедзянова- Кузьмина, һәм укучыларыбызның ярдәменә өметләнә.