2021 елда Никифорово авылында юлларны төзекләндергәннәр

Никифорово халкы өчен 2021 ел авыл урамы юллары төзекләндерелү белән истә калган. Бу хакта Мамадыш районының Никифорово авыл җирлеге башлыгы Сергей Степанов сөйләде:

 – 2021 елда да үз эшебездә төп юнәлеш итеп — халык мәнфәгатьләрен кайгырту, тәртип оештыру, тормышны яхшырту өчен мөмкинлекләр тудыруны алдык. Башкарган эшләребездән иң сөендергәне — авыл урамнарындагы юлларны төзекләндерү. Моңа үзара салым акчасы файдаланылды. “Мамадыш-Теләче” юллары төзәтелү дә безнен авыллар өчен бик кирәк иде. Николай Чудотворец чиркәүендә альтар ясалу, спорт мәйданчыгы ачылу да Никифорово авылы өчен зур вакыйга.