Туганайлар

Бер җыелу – бер гомер

Республикада өлкәннәр декадасы төгәлләнеп килә. Декада барышында әби-бабайларның күңелен булдырырлык бик күп чаралар үтте. Мохтаҗларга мәктәп укучыларыннан төзелгән тимурчылар, волонтерлар эшеннән башлап, хөкүмәт җитәкчеләре югарылыгындагы ярдәм күрсәтелде.

Авыллардагы җитәкчеләр дә, кулларыннан килгәнчә, ветераннарының күңелләрен күрергә тырышты. Зәй районы Сарсаз-Баграж авылында оештырылган бәйрәм кичәсе турында газетаның даими хәбәрчеләре Федор Абдулов белән Григорий Иванов язып җибәрде.

1 октябрь көнне Сарсаз-Баграж авылының культура йортында авылыбыз өлкәннәрен җыйдылар. Шушы җирлектә хезмәт куеп, лаеклы ялга чыгучыларны олыладылар. Бертуктаусыз яңгыр явып торуга, аяк асты пычрак булуга карамастан, кеше шактый җыелды. Клуб фойесына мул табын әзерләнгән иде. "Восход" агрофирмасының "Үрнәк" бүлекчәсе җитәкчесе Максим Васильев, авыл җирлеге башлыгы Александр Чернов, ветераннар Советы председателе Александр Журавлев, өлкәннәрне котлап, аларның куйган хезмәтләрен искә алып, рәхмәт сүзләре әйттеләр. Клуб хезмәткәрләре матур җырларын башкардылар. Өлкәннәргә акчалата бүләк тә тапшырылды. "Бер җыелу - бер гомер. Бүген без бар, кем белә, иртәгә кайсыбыздыр инде булмас. Күңелләребезне күргән өчен, бәйрәмне оештыручыларга рәхмәт", - дип таралышты җаннарына җылы алган әби-бабайлар.

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: