Үсмерләрдән куркам

Бөтенесе дә дип әйтмим, Ходайга шөкер, акыллы, тәртипле, төпле яшьләребез күпчелек. Шулай да, агрессив, ерткыч җанварлардан да куркынычрак яшьләр каян чыга икән, аларны нинди ата-ана тәрбияли? Урамда бер гаепсез кешене талап-кыйнап китүчеләр дә, өер белән сугышучылар да, җыелышып аракы эчү, тәмәке тарту, наркотиклар кулланучылар да,шәһәрдәге бакчаларны, йорт-җирләрне талаучылар, җимерүче-ватучылар да шулар. Тамак тук, өс-баш бөтен. Телевизорны ачсаң, андагы тапшыруларда ниләр генә күрсәтмиләр дә, ниләр генә сөйләмиләр: әнә, Мәскәү өлкәсендә унике яшьлек ике кыз олы яшьтәге ир-атны 70 тапкыр пычак белән кадап үтергәннәр! Коточкыч хәл бит. Дөрес, милли ризыкларыбызның, киемнәребезнең, гореф-гадәтләребезнең ни икәнен белмәгән яшьләрдән ни көтәргә кала...