Барлык карендәш-ләребезне, "Туганайлар" гәҗите коллективын Яңа еллар, Рождество бәйрәмнәре белән котлап, яңа - 2012 елда барчабызга да исәнлек теләп калам. Хат язарга утыруымның тагын бер сәбәбе бар. Берничә көн элек Рождествоны билгеләп үттек. Православие денен тотучыларның, шул исәп-тән, керәшеннәрнең дә, иң олы бәйрәме ул Рождество. Россия каналларыннан бу көнне Рождествога...
ТНВ каналы "Татар кухнясы серләре" тапшыруын Рождество кухнясына багышлый, дигән хәбәрне "Туганайлар"дан укыгач бик шатландык. Эфирга чыгу вакыты - 7 январь 16 сәгать 30 минут дип күрсәтелгән иде. Тик телевизор каршысында күпме генә көтеп утырсак та, Рождество күчтәнәче күренмәде. Тагын алдандык...
Дөрес, без көткән Рождество күчтәнәчен 8 январь көнне күрсәттеләр күрсәтүен, тик "кызыл күкәй көнендә кадерле", ди халык. Һәм дөрес әйтә. 8 январьда инде безнең күңел төшкән, җанга яра салынган иде. Тагын бер тапкыр үзебезнең беркем түгел икәнебезгә ышандык. Яңа елны үпкә белән башлау әйбәт түгел дә, гел-гел эчкә йоту да файдага түгел бит. Телебез уртак, хокукларыбыз тигез, денебез генә төрле, дибез дә, чынында, алай булып чыкмый шул. Тагын хәтерне калдырдылар.
Нет комментариев