Югары Багражда һәйкәл яңартачаклар

Югары Багражда Җиңүнең 75 еллыгы уңаеннан авыл уртасындагы һәйкәлне яңартачаклар. Бу турыда "Зәй офыклары" газетасы хәбәр итә.  Һәйкәлнең макеты бүген Зәйдә узган шәһәр төзелеше советы әгъзаларына тәкъдим ителгән. Макетның авторы - рәссам-сынчысы Фазыл Шиапов. Макетта улларын Ватан иминлеге өчен көрәшкә биргән ана гәүдәләнә. Югары Баграж авылыннан Акулина белән Андрей Черновларның  сугышта өрлектәй биш улларын югалтулары һәйкәл композициясендә чагылыш таба.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз.