Югары Багражда Тройсын бәйрәме гөрләде

Өлкәннәр искә алалар иде, бәйрәмгә кунаклар шул кадәр күп киләләр, авыл урамнары халык белән тула иде дип. Авыл халкы Тройсын бәйрәмен өч көн бәйрәм иткән. Ул көннәрдә авыл урамнары көне-төне гармун тавышыннан, җырлардан гөрләп торган. Яшьләр бергәләп басуга чыкканнар. Кабан Бастрык авылына чыга торган киң урман юлы белән барганда чишмәле, матур киң аланда ике авыл яшьләре бергәләп ял итеп, күңел ачканнар. Бер яктан Багражлар гармуннарын күтәреп килсә, икенче яктан Кабан Бастрыклар килгән бәйрәмгә. Яшьләр шунда танышкан да инде. Әтәчерәк егетләр әле кызлар өчен сугышып та алганнар шунда, диеп искә алына иде.

Барлык карендәшләрне Изге Тройсын бәйрәме белән котлыйм. Тормышыгызда, эшләрегездә уңышлар гына юлдаш булсын!

М. Тукранов фотолары