Валентина Максимованың тормышка ашмаган хыялы

Бүген Халыкара балаларны яклау көне. Иң зур хыяллар сабый вакытта уйга килә. Керәшеннәр арасында инде исемнәре белән танылган карендәшләребезнең балачак хыяллары турында белештек.

Ветеран журналист Валентина Максимова бәләкәйдән үк картиналар иҗат итәргә хыялланган. "Без үскән кытлык елларында карандаш та юк иде. Янган шырпыны төкерекләп пичкә рәсемнәр ясаган чакларымны хәтерлим. Художество мәктәбенә кереп карадым. Экзамен биргәндә генә төсле акварель буяуларның ни икәнен күрдем - бер кыз биреп торды. Рәсемемне шул кыздан күчереп ясасам да, укырга керә алмадым",- дип искә ала ул.