Татарстанда көзге кыр эшләре тулы куәтенә бара.
Республикабызда октябрьнең беренче көннәренә барлыгы 3 миллион 733 мең тонна бөртекле һәм бөртекле-кузаклы культуралар суктырылган. Гектардан уртача 25,8 центнер уңыш чыга.
Татарстанның авыл хуҗалыгы һәм азык-төлек министрлыгында уздырылган киңәшмәдә бүлек начальнигы Ирек Садыйков югарыдагы шушы саннарны китергән.
Киңәшмә барышында министр урынбасары Рафаэль Фәттахов: «Бүгенге көнгә 1 миллион 420 мең гектар җир туңга сөрелгән. Бу — планда каралганның 82 проценты. Көн саен 1 мең агрегат кырга чыгып, 23 мең гектар мәйданда җир эшкәртелә», — дип әйтеп үткән.
Нет комментариев