Татьяна Ефремова “II Яңа татар җыры” конкурсының лауреаты булды

Яшь җырчы Татьяна Ефремова  “II Яңа татар җыры” конкурсында катнашып, лауреат исемен алды. Аның башкаруындагы “Язмышлар бураннары” җыры (авторы – Тәслимә Низами-) “Иң яхшы татар җыры” номинациясендә өченче урынга лаеклы дип табылды.

Татьяна Ефремова җырның авторы Тәслимә Низами белән

Ваһапов фестивале оештырган “Яңа татар җыры-2” конкурсының гала-концерты 6 март көнне Казанның “Пирамида” концертлар залында узды. 242 җыр арасыннан иң-иңнәре сайлап алынып, премиягә лаек дип табылды. Җиңүчеләрне “Иң яхшы татар җыры” һәм “Иң яхшы балалар җыры” номинацияләре буенча бүләкләделәр. Конкурс быел икенче тапкыр узды.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.