Татарстанда студентлар өчен махсус стипендия булачак
Агымдагы уку елында Татарстанның 90 студенты, аспиранты һәм курсанты махсус республика стипендияләре алачак. Указны ТР Рәисе Рөстәм Миңнеханов имзалады.
«Татарстан Республикасы Министрлар Кабинеты тәкъдимнәрен караганнан соң түбәндәгеләрне карар итәм: яхшы уку, фәнни-гамәли конференцияләрдә һәм предмет олимпиадаларында җиңү һәм призлы урыннар өчен 2022-2023 уку елы йомгаклары буенча 2023-2024 уку елына Татарстан Республикасының махсус дәүләт стипендияләрен билгеләргә», — диелә документ текстында.
Стипендия 22 аспирантка, югары уку йортларының 44 студентына, дүрт курсантка һәм 20 көллият студентына билгеләнгән.
Аерым алганда, стипендия алучылар арасында Казан федераль университеты, Казан милли тикшеренү техник университетының Авиация институты (КНИТУ-КАИ), Казан милли тикшеренү техник университетының Химия-технология институты (КНИТУ-КХТИ), Казан архитектура-төзелеш университеты, Казан медицина университеты, Казан энергетика университеты, Тимирясов исемендәге Казан инновация университеты студентлары һәм аспирантлары, шулай ук Янгынга каршы дәүләт хезмәте академиясе һәм Казан танк училищесы курсантлары бар.
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына "Ватсап" аша языгыз.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев