Сәвәләйдә тиздән чиркәү ачылачак

Районыбызның Сәвәләй авылында яшәүчеләр күп еллар чиркәү төзү турында хыялланып яшәде. Аларның әлеге хыялы тормышка аша: якташыбыз, Татарстанның халык артисты Виталий Агапов әлеге эшкә алынды һәм аны уңышлы гына алып бара. Аның кул астында авыл халкында Зират чишмәсе дип йөртелүче урында агач чиркәү көнләп түгел, сәгатьләп калыкты. Шунысы куанычлы, Виталий Агапов әйтүенчә, чиркәү дин тотучылар өчен быелгы Тройсын бәйрәме атнасында ишекләрен ачачак.

Башлаган эш - беткән эш, диелә халык мәкалендә. Чыннан да шулай, бу көннәрдә биредә эшнең кызган чагы. Көн саен диярлек сәвәйләлеләр чиркәү тирәсен төзекләндерүдә актив катнашалар, әлеге максатта өмәләр дә уздырыла.

Зәй офыклары