Сәвәләйдә үрнәк гаиләләрне хөрмәтләделәр

Гаилә - ул иң олы таяныч, иң ышанычлы сыеныр урын. Анда бер-берсен яраткан, бер-берсе турында кайгыртучы кешеләр яши.

Күптән түгел Зәй районы Сәвәләй мәдәният йортында кырык ел һәм аннан да күбрәк бергә яшәүче үрнәк, матур  гаиләләр белән очрашу узды. Бу хакта "Зәй офыклары" хәбәр итә. Бәйрәмдә унөч пар катнашты, шуларның җидесе юбилейларын  елларын билгеләп үтүчеләр иде.

Кырык, кырык биш, илле ел  тормыш юлыннан бергә атлаучылар  гаилә теркәү китабына имза куеп, яңадан язылышу тантанасын үтте. Кичәгә җыелышкан парлар яшь чакларын, кавышкан көннәрен искә төшерде. Яшь чактагы вакыйгаларны искә төшереп, шул вакыттагы җырларны җырлап, гармуннар уйнап күңел ачтык.

Черкасовлар гаиләсе.