Сәвәләй авылы яме - Рябовлар гаиләсе

Туганайлар, 18 ноябрь 2021 - 09:35

572

Кеше гаиләсе белән бәхетле

Сәвәләй авылы - районыбызның иң төзек, иң матур, иң бай авылларының берсе. Ә аның иң зур байлыгы - аның тырыш, хезмәт сөючән халкы, тату гаиләләре.

“Кеше гаиләсе белән бәхетле. Гаилә тормышы – һәрберебез өчен очсыз-кырыйсыз хезмәт һәм сикәлтәле гомер юлы. Шул юлдан матур итеп атлаучылар, пар канатлы, бер-берсеннән башка яши алмаучы, бер-берсен кайгыртып яшәүче матур гаиләләр күп авылыбызда”, -ди Сәвәләй мәдәният йорты директоры Ләйлә Сабаева.

Валерий һәм Людмила Рябовлар гаиләсе күпләргә таныш. Тырыш, уңган, кешелекле булулары белән аерылып тора алар.

Валерий белән Людмила икесе дә Сәвәләй авылында туып үскән. Валерий кәләш эзләп ерак араларга йөрмәгән: күңеленә Котовский урамы кызы Людмиланы күптән кертеп куйган. Туй хәстәрен дә озакка сузмый алар - 2001 елның августында - табигатьнең иң мул, матур чагында гөрләтеп туй ясыйлар. Быел Рябовларның гаилә корып яши башлауларына 20 ел булган.
Ул егерме ел гомер матур, якты хатирәләргә бик бай. Яшәү ямен тагын да матурлатып олы уллары Артем туа. Ул инде бүгенге көндә җиткән егет, Чаллы шәһәрендә КФУда югары белем ала. Кече кызлары Виктория өченче класста укый. Валерий үзе Әлмәт шәһәрендәге бер заводта эшли. Үз эшен бик ярата. Людмила - фитнес тренер.
Авыл җирендә эшнең бетәсе юк. Барлык эшләрне бергә башкаралар алар, шулай җиңел дә, күңелле дә, диләр.

“Авылыбзда яшәүче башкаларга үрнәк булырлык матур гаиләләргә карап сокланабыз һәм алар белән горурланабыз,” – ди Ләйлә Сабаева.

Чыганак

Сәвәләй авылы - районыбызның иң төзек, иң матур, иң бай авылларының берсе. Ә аның иң зур байлыгы - аның тырыш, хезмәт сөючән халкы, тату гаиләләре.

“Кеше гаиләсе белән бәхетле. Гаилә тормышы – һәрберебез өчен очсыз-кырыйсыз хезмәт һәм сикәлтәле гомер юлы. Шул юлдан матур итеп атлаучылар, пар канатлы, бер-берсеннән башка яши алмаучы, бер-берсен кайгыртып яшәүче матур гаиләләр күп авылыбызда”, -ди Сәвәләй мәдәният йорты директоры Ләйлә Сабаева.

Валерий һәм Людмила Рябовлар гаиләсе күпләргә таныш. Тырыш, уңган, кешелекле булулары белән аерылып тора алар.

Валерий белән Людмила икесе дә Сәвәләй авылында туып үскән. Валерий кәләш эзләп ерак араларга йөрмәгән: күңеленә Котовский урамы кызы Людмиланы күптән кертеп куйган. Туй хәстәрен дә озакка сузмый алар - 2001 елның августында - табигатьнең иң мул, матур чагында гөрләтеп туй ясыйлар. Быел Рябовларның гаилә корып яши башлауларына 20 ел булган.
Ул егерме ел гомер матур, якты хатирәләргә бик бай. Яшәү ямен тагын да матурлатып олы уллары Артем туа. Ул инде бүгенге көндә җиткән егет, Чаллы шәһәрендә КФУда югары белем ала. Кече кызлары Виктория өченче класста укый. Валерий үзе Әлмәт шәһәрендәге бер заводта эшли. Үз эшен бик ярата. Людмила - фитнес тренер.
Авыл җирендә эшнең бетәсе юк. Барлык эшләрне бергә башкаралар алар, шулай җиңел дә, күңелле дә, диләр.

“Авылыбзда яшәүче башкаларга үрнәк булырлык матур гаиләләргә карап сокланабыз һәм алар белән горурланабыз,” – ди Ләйлә Сабаева.