Римма Никитинаны Ольга Бузовага тиңлиләр

Татар эстрадасының зажигалкасы Римма Никитинаны “Татарская Ольга Бузова” дип йөртәләр. Баксаң, фото астындагы комментарийларының икесенең берсендә Ольга Бузовага охшаган дип язучылар күп икән.

“Беренчедән, безнең тормыш юлларыбыз охшаш. Бервакыт бер егет белән йөреп аерылышкач, ул мина “Син тормышта бернәрсәгә дә ирешә алмаячаксың, җырларың да зур акчалар китермәячәк”,- диде. Бер-ике атна депрессиядә булып алдым билгеле. Шуннан соң, үз өстемдә ныклап эшли башладым, җырлар яздырдым, клиплар төшердем. Ольганың да шулайрак бит.

Икенчедән “Мои хорошие” дигән фразаны, Ольга Бузовадан алган дип сөйлиләр. Бузованың сәхнәгә чыкканына әле 3-4 ел, ә мин инде 15 еллап сәхнәдә кайныйм. Шуңа күрә, ул миннән алган булып чыга түгелме соң?” дип елмая Римма Никитина.