Регина Картапова - Җиңү волонтёры

Регина булачак ветеринар. Бүгенге көндә ул Буа шәһәренең ветеринария техникумының 3 курсында укый. "Волонтёры Победы" Бөтенроссия яшьләр хәрәкәтендә беренче елын йөри. “Волонтёры Победы - #75 шаг” форумында да беренче тапкыр катнаша. Форум, үз кичерешләре турында Регина безнең белән дә бүлеште:

- “Волонтёры Победы - #75 шаг” - минем өчен барлык катнашкан форумнарның иң яхшысы булды. Минем өчен иң дулкынландыргыч мизгелләрнең берсе Бөек Ватан сугышында катнашкан ветеран белән очрашу булгандыр. Ул безгә үзенең сугыш юллары аша ничек үтүе турында сөйләде. Аның сөйләгән сүзләре күңелләргә тиде. Форумда катнашучылар: кураторлар, командалар - барысы тату булдылар. Бигрәк тә безнең 6 нчы “Яшелләр” командасы, - дип сөйләде Регина.

Форум кысаларында катнашучылар өчен "Минута славы" дип исемләнгән шигырь конкурсы да оештырылган. Регина әлеге конкурста “Ана турында баллада” сөйләгән.

"Минута славы" конкурсыннан мизгелләр

Фотолар Регина Картапованың шәхси архивыннан