Пасха атнасында – ару эшләр белән

"Безнең авылда берничә милләт халкы дус яши. Пасха христиан календаре буенча мөһим бәйрәмнәребезнең берсе. Ул һәр иман итүченең күңеленә яктылык һәм шатлык китерә. Бәйрәм алдыннан Чуаш Ялтаны авыл китапханәсендә "Пасха кыңгыравы чынласын" дигән рухилык сәгате үткәрдек", – дип язды методист Нина Никитина.

Чара барышында балалар бәйрәм тарихы, халык ышанулары, Пасха традицияләре, уеннар белән танышкан. Шулай ук, Пасха табынының үзенчәлекләре белән дә танышып, бәйрәм өстәленең традицион ризыклары турында өйрәнгәннәр.

Мастер-класс та уңышлы үтте. Фоамиран һәм бизәү әйберләреннән ясалган, сюрпризлы пасха күкәйләре бик матур килеп чыкты! Мондый «Пасха сувенирлары» бүлэгеннэн беркем дә битараф калмады, – дигән Нина Никитина. 
 

Пасха көнне балалар рәхәтләнеп күкәй җыйганнар.

Фото: Нина Никитина.