Мамадышта Халыклар бердәмлеге көнен билгеләп үттеләр

4 ноябрьдә Мамадыш район мәдәният йортында Халыклар бердәмлеге һәм Татарстан Республикасы Конституциясе көненә багышланган чаралар оештырылган. Бу турыда "Нократ" газетасы хәбәр итә.

Бу көнне мәдәният йортына килгән мамадышлыларны фоеда Николай Михайловның фотокүргәзмәсе каршы алган. Концертка кадәр тамашачылар фотографның иҗат җимешләре белән танышкан.

Концерт барышында, бәйрәм белән котлап, Мамадыш муниципаль районының Совет аппараты һәм башкарма комитеты җитәкчесе Вәзир Фәизов чыгыш ясаган.

Концертта татар, рус, украин, казах, керәшен җырулары яңгыраган. Керәшен мәдәниятен Мамадышның "Урагай" ансамбле тәкъдим иткән.

Фото: Николай Михайлов

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.