Мәлки җирлеге егетләре армиягә китә

Агымдагы елның 1 апреленнән Россия Федерациясендә Оборона министрлыгы тарафыннан язгы чакырылыш башланды.

Указ нигезендә, чакыру 2024 елның 1 апреленнән 15 июленә кадәр дәвам итәчәк. Шул ук вакытта, указ чакыру буенча хезмәт срогы тәмамланган кешеләрне хәрби хезмәттән азат итүне тәэмин итәргә куша.

Бүген балалар сәнгать мәктәбе каршындагы мәйданда Кайбыч районында беренче булып Мәлки авыл җирлегеннән Константин Черемисов Россия Кораллы Көчләре сафларына озатылды. Район башкарма комитеты җитәкчесе Алексей Макаров Константин Николаевичка хәерле юл, исән-имин Ватан алдындагы бурычын үтәп кайтуын, әнисенә сабырлык теләде һәм район башлыгы Альберт Рәхмәтуллин исеменнән бүләк тапшырды.

Кайбыч таңнары