Ләкедә мәктәптә укучы балалар туган тел кадерен белеп үсә

Чараны татар теле һәм әдәбияты укытучысы Д.Р.Ильина әзерләде. Анда барлык укучылар катнашты. Башлангыч класс укучылары “Матур яз!” конкурсы үткәрделәр. Китапханәче “Тел күрке-сүз” дигән исем астында китап күргәзмәсе оештырды. 5-9 класс укучылары викторинада катнаштылар. Анда тел турындагы мәкаль-әйтемнәр, канатлы сүзләр, табышмаклар яңгырады. Туган телебез турында күренекле шагыйрьләребезнең шигырьләре сөйләнде. Укучылар “Туган тел көне”, аның оешу тарихы турында мәгълүмат алдылар. Соңыннан “Туган телем-иркә гөлем” дигән презентация каралды. Кичә кызыклы да, файдалы да булды.