Ләке авылы халкы өмәгә чыкты

Алар һәр елны май бәйрәмнәре алдыннан  бердәм булып өмә оештыра. Быел да авылы мәдәният йорты,  җирлек советы, фельдшер-акушерлык пункты хезмәткәрләре өмәгә чыктылар.

«Мәдәният йорты территориясе, посадка яннары, юл буйлары чүпләрдән чистартылды. Өмәдә катнашып, туган авылыбызны яшәртеп, ямьләндереп җибәрдек. Киләчәктә дә безнең барыбыз өчен дә май бәйрәмнәре яңарыш, яхшылыкка өмет һәм ышаныч булып торсын. Әлеге җылы яз көннәре дуслар һәм якыннар белән очрашу шатлыгы белән тулылансын, яңа яшәү көче бирсен!»,– диделәр авыл мәдәният йорты хезмәткәрләре.