Кукмара керәшеннәре: Иван Егоров карендәшләрне бердәмләштерү өчен зур көч куя

“Без Иван Михайлович белән горурланабыз. Ул республикадагы барлык карендәшләрне туганнардай үзенә җыя, берләштерә торган иҗтимагый оешма җитәкчесе буларак, халкыбыз өчен бәяләп бетергесез зур эшләр башкара. Керәшеннең буыннан-буынга тапшырылып килгән җыруларын, йола-гадәтләрен үз эченә алган мәдәниятен башка халыкларга танытуда роле зур булган республика күләмендәге Питрау җыеннары да – аның хезмәте нәтиҗәсе. Халыкны керәшенчә келәү итүгә җыя торган керәшен чиркәүләре ачылуы һәм Казан үзәгендә керәшен мәдәни үзәге дә эшли башлавы – аның тырышлыгы. Боларның барысы өчен дә Иван Михайловичка чын күңелдән рәхмәт”, - дип яза Кукмара районы керәшеннәре оешмасы идарәсе.