Питрәч районының Керәшен Сәрдәсе клубында тәкыя үрү буенча мастер-класс оештырганнар.
Бу көннәрдә һәркем Питрау бәйрәме турында сөйли. Йолаларын, җыруларын искә төшерә. Керәшен Сәрдәсе клубында тәкыя үрү буенча мастер-класс оештырганнар.
“Питрау - керәшен халык бәйрәме. Аны июль уртасында билгеләп үтәләр. Традиция буенча, бу көнне тәкыялар үрелә. Йола буенча моның өчен 41 төрле дару үләне кулланыла, аларны бәйрәмнән соң киптереп, кайнатып чәй итеп эчәргә дә мөмкин. Тәкыялар үргәндә олыраклардан Ольга Харитонова, Мария Кузнецова, Евдокия Никитина һәм балалар катнашты”, – дип хәбәр иттеләр Керәшен Сәрдәсе авылы клубы хезмәткәрләре
Нет комментариев