Кайбычта авыл хуҗалыгы ярминкәсе гөрләде

Авыл хуҗалыгы предприятеләре халыкка ит-сөт продукциясе, терлек азыгы тәкъдим итсә, авыл җирлекләре хезмәткәрләре, Мәлки кулланучылар җәмгыяте, икмәк пешерү комбинаты хезмәткәрләре, фермерлар киң ассортименттагы товарлары белән сәүдә итте. Бу турыда "Кайбыч таңнары" газетасы хәбәр итә. Анда сөте дә, май-эремчеге, йомыркасы, капчыгы-капчыгы белән кәбестә-суганы, кишере, башкасы да бар иде.

Олы Тәрбитән Галина Тараканованың бу ярминкәдә сатучы сыйфатында беренче генә тапкыр катнашуы икән әле.

- Узган ел, үзмәшгульлек программасына кереп, авылыбызда "У Галины" дигән кафе ачып җибәргән идем. Күбрәк икмәк, камыр ризыклары пешерәбез. Бүгенге ярминкәгә шактый күп продукция алып килгән идем, яратып алдылар,- диде ул.

Фото: "Кайбыч таңнары"