Карендәшләр өчен файдалы киңәшләр

Егылып тезеңне бәрсәң, яки тәнеңә “синяк” чыкса, нишләргә? Тиз генә алманы кыргычта уарга да, авырткан җиргә сылап, бинт белән ныклап бәйләп куярга кирәк.

* * *

 Сыдырылган, киселгән урын тизрәк төзәлсен өчен каты чәйгә чылатылган мамык тигезеп торырга була.

* * *

Иртән йокы тизрәк ачылсын өчен бер стакан гап-гади минераль су эчеп кую яхшы. Минераль судагы кальций, магний, натрий, калий организмда матдәләр алмашынуына һәм йөрәк эшчәнлегенә уңай тәэсир итә.

* * * 

Йогуртны даими куллану дисбактериоз авыруыннан, ашказаны авыртуыннан файдалы, кандагы начар холестеринны киметергә булыша.

* * *

Ашар алдыннан бер стакан яшел чәй эчеп куярга кирәк. Япон галимнәре фикеренчә, яшел чәй теш эмален җимерүче микроорганизмнар үрчүенә киртә булып тора. 

* * *

Бик эссе көннәрдә ярты стакан катыкка шул ук күләмдә газлы минераль су һәм ярты апельсин согы салып болгатып эчәргә була.