Иске Гришкин мәктәбе директоры: "Ремонтлауны дәвам итәчәкбез"

Ел да  җәй айларында барлык кабинетларны да, буяп чыгабыз. Алар инде әзер. Быел мәктәпне тотып алган коймаларны да буярга булдык. Зур проблемабыз бар – түбәдән су үтә. Узган көздә  су үткән җирләрне өлешчә ремонтлап чыккан идек. Бик каты яуганда  су барыбер  үзенә тишек таба – ремонтлауны дәвам итәчәкбез. Барлык классларга уку өчен кирәкле җиһазларлар алынган. Дүрт класста проекторлар бар.  Узган ел безгә китап шкафлары һәм укытучылар өстәле биргәннәр иде. Кыш аенда башлангыч классларга өстәл-урындыклар тапшырдылар, 1 нче класс укучыларын  яңа парталар каршы алачак.  Быел мәктәптә 33 укучы укыячак, беренче кыңгырау 5 балага яңгыраячак.

Ольга Евгеньевна Камашева,

Менделеев районы, Иске Гришкин мәктәбе директоры