Игътибар! Христина Чачакаева югалды!

Түбән Кама районы Зур Аты авылы кызы (соңгы вакытта Түбән Кама шәһәрендә яши) Чачакаева Христина Григорьевна югалды. Ул 2 май көнне кичке алтылар тирәсендә фатирыннан чыгып китә. Шул вакыттан бирле аның кайда булуы турында мәгълүмат юк. Кама яры буенда Христинаның аяк киеме, сумкасы, телефоны табыла. Әйберләре су буенда табылгач, суга баткан булырга мөмкин, дип, Түбән Кама һәм Чаллы шәһәрләре водолазлары кызны эзли. Суда гәүдәсе табылмагач, Христина исән-саудыр, үзе турында хәбәр итәргә җае юктыр, дигән өмет-юаныч бар. Игътибар белән түбәндәге фотографиягә карагыз әле. 2 майдан соң, бәлки, аны сез күргәнсездер? Аның тирәсендә шикле кешеләр барлыгын белгәнсездер? Битараф булмасак иде, җәмәгать. Сезнең ярдәмегезгә өметләнәбез.