Яшел Үзән районы башлыгы Михаил Афанасьевка мактау билгесе тапшырдылар

Яшел Үзән районы башлыгы, Яшел Үзән мэры, карендәшебез Михаил Афанасьевка "Россия Федерациясендә җирле үзидарәне үстерүдәге казанышлары өчен" мактау билгесе тапшырылды, дип хәбәр итә район газетасы. Бүләкләү тантанасы 30 ноябрь көнне  "Татарстан Республикасы муниципаль берәмлекләр советы" ассоциациясе президиумы утырышында узды. 

Михаил Афанасьев 1971 елның 29 январенда Татарстан АССРның Чистай районы Олы Талкыш авылында туа. 
Белеме - Н.Э. Бауман ис. Казан Ленин ордены ветеринария институты (зоотехнология, зооинженер).

Дәүләт бүләкләре: «Татарстан Республикасының атказанган авыл хуҗалыгы хезмәткәре» мактаулы исеме (2009), «Татарстан Республикасында җирле үзидарәне үстерүдәге казанышлары өчен» медале (2017), «Фидакарь хезмәт өчен» медале (2019).

Элек эшләгән урыннары: 
2010-2010 - Лаеш муниципаль районы Башкарма комитеты җитәкчесенең беренче урынбасары
2010-2010 - Лаеш муниципаль районы Башкарма комитеты җитәкчесе
2010-2019-Лаеш муниципаль районы башлыгы
2019-2020 - Яшел Үзән муниципаль районы Башкарма комитеты җитәкчесе
2020 елдан алып хәзерге көнгә кадәр - Яшел Үзән районы башлыгы.

Фото: Яшел Үзән район газетасының ВКонтакте группасыннан