Эльмира Кашапова “Питрау чибәре – Online” бәйгесе турында фикерен белдерде

Аның сүзләренчә, аларның барысы да – төс-кыяфәтләре белән “Кряшен чибяре” титулына лаек була алырдай кызлар. “Басукова, Новикова, Степанова, Дементьева, Вуклова кебек кызларның алдагы конкурсларда катнашмаулары үкенечле. Онлайн ярыш булгач, кызлар үзләрен күрсәтеп, сәләтләрен тулысынча ачып бетерә алмый. Ләкин бу сынау – алар өчен генераль репетиция, беренче этап, дип саныйм. “Питрау чибәре – Online” да катнашучылар арасында таныш йөзләрне дә күрдем. Аларның кайчандыр Җөридәге конкурста катнашуларын көтсәм дә, кызлар нигәдер онлайн форматта гына үзләрен күрсәтергә булган. Шуңа күрә барысының да “Кряшен чибяре” конкурсында катнашуларын көтеп калам”,–  диде Эльмира Кашапова.