Дүсмәт авылында Качмануга каршы көнне берничә йола үтәлә

Авыл халкы бәйрәмгә каршы көнне, кояш баеганчы йорт, каралты-кура ишекләренә тыш яктан акбур белән кач сыза. Качтан куркып, ишекләрдән җен-пәриләр, начарлыклар керми, дип ышаналар. Шулай ук кичтән, төче камырдан ризыклар – кач формасы, сыер теле, әтәч-тавыклар, сарык-дуңгызлар пешерәләр. "Бу йоланы хуҗалыкта ел буе муллык булсын өчен башкарабыз", - дип аңлатты Елизавета Исакова.

Өлкәннәр Качману көнне, беренче эш итеп, өйдәге барлык тәреләрне су белән юып ала. Шул су, теләкләр тели-тели, идән астына төшеп, нигезгә сибелә.

Бүген авылның Изге Николай исемен йөртүче чиркәвендә Мамадыш благочиниесы Благочинные отец Владимир Иванов келәү уздырды, суны изгеләндерде. Ару суны йорт һәм каралты-кураның бар почмакларына, маллар өстенә сипкәләп чыгалар, авырып киткәндә халык үзе дә эчә.  Суга чумылу өчен авылдашлар Мамадышка бара.