Дмитрий Баранов «Мин бәхетне үзем ясыйм» шигырен укый - видео

Рәхим итеп Дмитрий Баранов укылышындагы "Мин бәхетне үзем ясыйм" шигырен тыңлагыз!

Мин бәхетне үзем ясыйм,
Көтмим килер дип читтән.
Минем өчен күп кирәкми –
Бер елмаю да җиткән.
Мин бәхетне үзем ясыйм,
Ясыймын да өләшәм.
Тик бәхетле яшәп була,
Бары үзең теләсәң.
Мин бәхетне үзем ясыйм,
Ә бу җиңел бирелми.
Килегез, бәхет серләрен
Ачам сезгә, кем белми.
Мин бәхетне үзем ясыйм.
Кагыйдәсе юк аның.
Бәхет сорап килеп керә
Йә әфәнде, йә ханым.
Мин бәхетне үзем ясыйм.
Кемгә кирәк – рәхим ит!
Бу дөньяда яшәүләре
Аңлаганга – бәхет бит.

 

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.