Чистайда сабыйлар керәшен мәдәнияты белән якыннан танышты

Чистайда керәшен айлыгы бара. Районның һәрбер авылларында керәшеннәргә багышланган кичәләр, бәйрәмнәр оештырыла. 14 февраль Чистай шәһәренең 17 балалар бакчасында "Керәшеннәрнең милли мәдәнияты һәм кунакчыллыгы" дигән кичә булган.

Кичәдә Бахтаның “Кардәшләр” керәшен фольклор ансамбле катнашкан. Ансамбль солистлары сабыйларга керәшен йолалары турында сөйләгәннәр, милли кименәр белән таныштырганннар. Шулай ук, балалар өчен керәшеннәрнең аш-суларыннан торган өстәл әзерләгәннәр.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз