«Бер юл – биш мәдәният» турмаршруты Җөри керәшеннәре белән таныштыра

Мамадыш районында татар, керәшен, рус, мари һәм удмурт халыкларының йола-гадәтләрен чагылдырган «Бер юл – биш мәдәният» дигән этномаршрутның яңа сезоны башланды. 

Әлеге проект Бөтенроссия туристлык премиясендә «маршрутның иң яхшы идеясе» номинациясендә Гран-При яулады, федераль грантлар иясе булды һәм өч ел эчендә мөстәкыйль проект булып үсеп җитте. 

Татарстан һәм Россиянең генә түгел, чит илдән туристлар әлеге этномаршрут буенча Мамадыш районындагы җирле халыкларның нечкәлекләре белән таныша. Сәяхәтчеләр халык биюләре буенча мастер-классларда катнашалар, милли киемнәрдәге аермаларны беләләр һәм узган гасырлардагы авыл көнкүрешенең нечкәлекләренә төшенәләр. Мамадыш районының "Бер юл – биш мәдәният» турмаршруты тарихи гына түгел, ул мәгариф, мәдәни дә, этник да, гастрономик да.