Бөек Ватан сугышы ветераны Михаил Тихонов: "Россия һәрвакыт көчле ил булды һәм булачак"

Минзәләдә 9 май бәйрәме алдыннан районда яшәүче ветераннарга котлау открыткалары һәм бүләкләр тапшырылган. Шунда карендәшебез Бөек Ватан сугышы ветераны Михаил Тихоновны да котларга килгәннәр. Бу турыда "Минзәлә-информ" хәбәр итә.

Михаил Тихонов кунакларны үз өенең капка төбендә хәрби киемнән, яхшы кәеф белән каршы алган. Ул сугыш елларын искә алган, яшь буынга үз киңәшләрен биргән. Татарстан Дәүләт Советы депутаты Азат Хамаев, Минзәлә районы башлыгы Айдар Салахов ветеранны Бөек Җиңүнең 77 еллыгы белән тәбрик итеп, аңа Татарстан, район һәм “Бердәм Россия” партиясе бүләкләрен, котлау открыткаларын тапшырганнар. Ветеран район мәдәният сарае агитбригадасы артистларының патриотик рухтагы җырларын яратып тыңлаган, кушылып җырлаган һәм хәтта биеп тә алган. Ул: "Без, ветераннарны, шулай хөрмәтләвегез өчен бик зур рәхмәт. Россия һәрвакыт көчле ил булды һәм булачак. Шушы илдә яшәвем белән горурланам", - дигән.

Фото: menzela.ru