Бахтада шатлыклы вакыйга - фото

Чистай районы Бахта авылында “Бака тавы” дип йөртелгән матур бер урында ташландык кое бар иде. Шул коены авылдашлар жыелып чистартты. Башлап җибәрүчеләр Сергей Терентьев, Иван Ефимов һәм Михаил Федотов булса, соңрак барлык авылдашлар да кушылды. Җыйнак кына түбәгә, кое өстенә, баскыч белән тоткасына да материалны кемдә нәрсә бар алып килеп, кыска вакыт эчендә күркәм чишмә ясадылар.
Бүген, 20 июль көнне, бик изге эш башкарылды. Отец Валерий Кузьмин шул чишмәне укып аруландырды. Шушындый шатлыклы вакыйганы сезнең белән дә уртаклашасыбыз килде.