Артур Поляков “Гөргөри кияүләре+”ка алынган билетлар мәсьәләсенә ачыклык кертте

Март аенда Зәйдә, Түбән Камада, Казан шәһәренең Г.Камал исемендәге татар дәүләт академия театрында керәшеннәрнең “Бәрмәнчек” дәүләт фольклор ансамбле  “Гөргөри кияүләре+” дип исемләнгән тамаша куярга тиеш иделәр. Дөньядагы катлаулы эпидемиологик хәл аркасында барлык массакүләм чаралар да билгесез вакытка күчерелде. Билет алган карендәшләребездән "тамаша булачакмы?", "билетларны ничек кайтарырга?" дигән күп кенә хатлар килеп иреште. "Бәрмәнчек" ансамбле директоры Артур Поляков әлеге сорауларга җавап бирде:

- Бүгенге көндә "Гөргөри кияүләре +" спектакленә әзерлек бармый. Чөнки пандемия белән бәйле бөтен төркем белән репетицияләр ясый алмыйбыз. Илебездә эпидемиологик хәл яхшыру белән спектакльләр куелачак. Кешеләр алган бер генә билет та юкка чыкмаячак", - диде ул.

Рифкат Якупов фотолары