Андрей Казанцев - "Бәллүр йөрәк" халыкара конкурсының җиңүчесе

Яшь музыкант Андрей Казанцев "Бәллүр йөрәк" халыкара конкурсының беренче дәрәҗә лауреаты булды. Конкурс 9 февраль көнне Казан шәһәренең "Сәйдәш" мәдәният үзәгендә узды.

Андрей Тукай районы Иске Җирекле авылыннан. "Энесе Николай музыка мәктәбенә йөри башлагач, Андрейның да берәр музыка коралында уйнарга теләге туды. Беренче класста Яр Чаллы шәһәренең 2нче музыка мәктәбенә укырга керде. "Мин ялтырый торган инструментта уйныйм",- диде. Ул - саксофон булып чыкты", - дип сөйләде Андрейның әнисе Марина Казанцева.

Бүгенге көндә Андрей Мәләкәс авылы урта мәктәбенең 5 классында белем ала. Саксофоннан кала фортепианода, барабаннарда, гитарада уйный. Мәләкәс мәдәният йортында эшләп килүче "Питрау-бәләкәч" коллективы солисты да әле ул.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.  Яңалыкларыгызны 89172509795 номерына "Ватсап" аша языгыз.