Туганайлар

Без – бердәм гаилә

4 ноябрь көнне Халыклар бердәмлеге көне уңаеннан, Казанның Халыклар дуслыгы йортында "Татарстан халыклары ассамблеясе" тарафыннан оештырылган "Безнең йортыбыз - Татарстан" республика этномәдәни фестиваленең йомгаклау концерты булды. Концерт башланганчы ук милли оешмаларның иҗат коллективлары, үзләренең җыр-моңнарын бүләк иттеләр.

Татарстан Республикасы Дәүләт Советы Рәисе, Татарстан халыклары ассамблеясе Советы рәисе Фәрит Мөхәммәтшин милли-мәдәни җәмгыятьләрнең җитәкчеләрен һәм аларның вәкилләрен, Татарстан Республикасы Конституциясенең 20 еллыгына багышлап уздырылган халыкара фәнни-гамәли конференциягә килгән чит ил кунакларын Республика җитәкчелеге исеменнән кайнар сәламләде һәм толерантлык, республика халыклары арасында урнаштырылган ныклы дуслык өчен зур рәхмәт белдерде:
- Без - республикабызда яшәүче төрле халыкларның бердәм гаиләсе. Шушылай аңлашып, бер-береңә ышаныч белдереп яшәүдән дә мөһимрәк нәрсә юк. Туган телне, гореф-гадәтләрне, күптеллелекне саклау һәм гражданнар, милләтләр хокукын игълан иткән беренче Конституциясенең 20 еллыгын билгеләүче республикабыз алга таба шушы кыйммәтләрне арттырсын, - дип теләде.
Фестиваль берсеннән-берсе матур концерт номерлары белән үрелеп барды. "Вайнах" чечен-ингуш, "Эхо Кавказа" грузин бию коллективлары күңелләрне дәртләндерсә, мариларның "Кна вел", мордваларның "Умарина", Айдар Фәйзрахманов җитәкчелегендәге Татар дәүләт фольклор ансамбльләре, "Бәрмәнчек" дәүләт керәшен фольклор ансамбле һәм башка коллективларның чыгышлары ямь өстенә ямь бирде.

Нравится
Поделиться:
Реклама
Комментарии (0)
Реклама
  • 4 май 2018 - 16:28
    Правнуки рассказывают о своем прадеде (http://pestrecy-rt.ru/)
  • Закрытие IV Форума кряшенской молодёжи Фоторепортаж
  • Волнуют ли кряшенскую молодёжь вопросы семьи? ФОТОРЕПОРТАЖ
  • "Айбагыр" Олы көн 2018
  • Чему научились делегаты Форума на мастер-классах ФОТОРЕПОРТАЖ
  • Открытие IV форума кряшенской молодёжи ФОТОРЕПОРТАЖ
  • Как делегаты IV Форума провели первый день
  • В Кировской области впервые прошел семинар по наследию кряшен
Ночной режим