«Ак каз» халык җыры ансамбленә - 35 ел

28 апрельдә Алабуга районының мәдәният сараенда узачак “Ак каз”керәшен җырлары ансамбле оештырган әлеге концертта Казан шәһәрендәге Яков Емельянов исемендәге керәшен мәдәни үзәгенең "Казансу", Алабуга районы, Шурнәк авылы мәдәният йортының "Сурәкә" фольклор ансамбльләре катнашачак. Махсус кунаклар - керәшеннәрнең "Бәрмәнчек" дәүләт фольклор ансамбле чыгышын карарга да мөмкинлек туачак.
Ак каз” фольклор ансамбле 1987 елда “Кардәшләр” исеме астында оеша. Ул елларда ансамбльне башлап җибәрү, җитәкләү эшләре белән Галина Кулакова шөгыльләнә. 1989 елда коллективның җитәкчесе итеп Владимир Мироваев сайлана. 1999 елда коллектив “Ак Каз” исемен ала һәм шәһәр мәдәният сараенда шөгыльләнә башлый. Шул ук елны “Ак каз” фольклор ансамбленә “Халык” ансамбле исеме бирелә. 2021 елдан башлап ансамбльнең сәнгать җитәкчесе Нина Салимуллина.

“Безнең “Ак каз” халык фольклор ансамбле керәшен җыруларының, гореф-гадәтләренең, йолаларының матурлыгын күрсәтү, аларны саклап калу һәм яшь буынга тапшыруны максат итеп алган. Ансамбльгә йөрүчеләр, яшьләр белән аралашып, аларда халык иҗатына мәхәббәт тәрбиялиләр, үз тәҗрибәләре белән уртаклашалар.
“Ак каз” халык фольклор ансамбленең уңышлары шактый. Төрле елларда ансамбль халык иҗатының бөтенроссия, республикакүләм фестиваль һәм конкурсларында катнашып мактаулы исемнәргә лаек булдык. Бүгенге көндә дә коллектив сынатмый, бары тик алга – яңа үрләргә таба омтылабыз”, – диде ансамбльнең сәнгать җитәкчесе.

Концерт 18 сәгать 30 минутта башланачак.