Үлемсез полк. Керәшеннәр. Васильев Тимофей Михайлович

Сугыш китергән газаплар, югалтулар беркайчан онытылмый. Бөек Ватан сугышы һәрбер йортка кара кайгы китергән. Бөек Җиңү көне якынлашканда ул елларның авырлыкларын, кадерле ветераннарыбызның истәлекләрен яңартабыз. Федотовка авылыннан 4 класс укучысы Жанна Васильева да бабасы турында түбәндәгеләрне язган.

"Бабам да ул михнәтләрне күргән кеше. Сугыш тәмамланганнан соң, 1945 елны туган авылына исән-сау әйләнеп кайта. Сугыштан соңгы тыныч тормышта колхозда хезмәт куя. Тракторчы, көтүче, умартачы булып та эшли. Пенсиягә чыккач, умарта үрчетеп, карлыган үстереп авылдашларына тарата", - дип горурланып язган Жанна.