Тәүбә итү турында

Ураза — ул әле тәубә иту вакыты да. Тәүбә итү — metania - грек сүзеннән алынган, акылның үзгәреше дигәнне аңлата.  Җазыклы булу, дөрес җулда булмауга үкенгәндә һәм җылаганда, кеше күңелендә үзгәрешләр туа. Тәүбә итү һәр кешедә төрлечә була. Әмма бер нәрсәне әйтергә кирәк: беркем дә күз яшьләрсез, тәүбә итмичә изге булмаган. “Бөтенләй җыламыйча мөмкин түгел, я җазыкларыбыз турында монда җирдә үзебез җылыйбыз, яки киләчәк тормышта, тәмугта җылатачаклар”, - дигән бер борынгы изге.

Теләкләр итмичә, нәпесләр белән көрәшмичә, җазыклар өчен җыламыйча гына тоткан уразаның файдасы юк. Җаныбызга ярдәм итү, нәпессезлеккә ирешү өчен, ураза тоту кирәк. Моны һәр христианин исендә тотарга тиеш.