Юкәченең тырыш гаиләсе

Мамадыш районының Юкәче авылында яшәүче Светлана һәм Валерий Сазаевлар - туган якларында гомер кичерүче бәхетле гаиләләрнең берсе. 

Алар төп йортта, 82 яшьлек Микулай дәдәй янында яшиләр. 2007 елда ирле-хатынлы Сазаевлар төп нигездә өр-яңа йорт төзеп керәләр.

Шәдче мәктәбендә башлангыч классларны укытучы Светлана һәм үз машиналарында Мамадышның "Азбука сыра" заводына сөт ташучы Валерий үз кул көчләре, тырышлыклары белән тормыш алып баралар. Каралты-курадагы эшләрдә, йортка күз-колак булуда Микулай дәдәй дә алыштыргысыз кеше әле. Кызлары Альбина, Валерия, Арина һәм Сабина үз папалары белән мамаларының җылы кочагында усәләр.

Бу гаиләдәге татулыкны, олыны олы итеп хөрмәтләүләрен, ә кызларның үзләреннән кече сеңелләренә ярдәмчел мөнәсәбәттә булуларын башкаларга үрнәк итеп күрсәтерлек.