ЯҢА ЕЛ ҺӘМ РОЖДЕСТВО БӘЙРӘМНӘРЕ БЕЛӘН!

Фестиваль хәрәкәте ки-ңәйгәннән-киңәеп, Питрау мәй-даннарына гына сыймыйча, республикабызның шәһәр һәм район сәхнәләренә күтәрелде. Яңа елга аяк басар алдыннан, "Туым жондызы" - "Рождественская звезда" фестивале кысаларында керәшен җырын башкаручы яшь талантларыбыз барланды.

Инде ишекне кагучы 2012 Аждаһа елына да керәшен җәмәгатьчелеге зур өметләр баг-лап керә. Керәшен яшьләренең II форумы узачак елда яшьләр, балалар белән эш тагын да активлашыр, киңәер, яңа формалар, киләчәккә перспективалы юнәлеш алыр, дигән уйда калабыз. Киләсе ел - зур даталар елы да, керәшеннәрнең бердәнбер басмасы булган "Туганайлар" газетасы үзенең 10 еллык юбилеен билгеләп узачак. Чиләбе өлкәсендә яшәүче нагайбак карендәшләребез казак бабаларының батырлыкларын - зур җиңүләрен - 1812 елгы Ватан сугышында җиңүнең 200 еллык юбилеен зурлап уздырырга җыеналар.

Киләсе ел илебез өчен үтә дә җаваплы - илбашыбызны сайлау елы да. Халкыбыз оешканлык, аек акыл белән, үзен эшләгән эшләре белән күрсәткән, илебезне алга алып барырлык лаеклы кандидатка тавыш бирер, дип ышанам.

Аждаһа елы безгә теләктәшлек күрсәтер, ә без бернигә бирешми, барын да җиренә җиткереп эшләрбез, дигән өметтә калабыз.

Яңа ел барыгызга да сә-ламәтлек, җан тынычлыгы, күңел көрлеге, гаилә җылысы алып килсен!