Купи дәдәй мәзәкләрен укып, елмаеп алыйк әле

Саша мәктәптән кайтып кергәч:

- Җитте! Бүтәнчә мәктәпкә аяк та атламыйм!

- Нишләп?

- Укый белмим, яза белмим, сөйләшеп утырырга да ярамый...

***

– Әти, укытучы бүген минем турыда: “Алма агачыннан ерак төшми”, – диде. Ул нәрсәне аңлата?

– Яле, әйт, дуңгыз – нинди этлек эшләдең син анда мәктәптә?!

***

Урамда яшь ир янына матур гына бер хатын килә.

– Гафу итегез, сез минем бер баланың әтисе бугай?

Куркуга төшкән ир кеше:

– Минме?

– Тынычланыгыз, мин укытучы.

* * *

Хәлләр шәптән түгел - этем югалды.

- Гәзиткә белдерү биреп кара.

- Файдасыз. Ул бит укый белми...

* * *

Әнисе алты яшьлек улын хәреф танырга өйрәтә:

- Бу нинди хәреф?

- Ө-ө-ө.

- Ә бу рәсемдә нәрсә?

- Өтәч.