Керәшен санамышларын хәзерге көндә дә кулланабыз

Санамышлар
1. Ыргадан, мыргадан,
Мәче йөри елгадан.
Умырт, шумырт,
Остабикә, татар икә,
Староста, кибәтник.
(Балык Бистәсе районының Шеморбаш авылыннан Е.Данилова язып җибәргән)
2. Ала тор, бара тор,
Тау ягыннан таң атыр.
Алфык, йолфык, куян, тончык,
Син кал, бу чык.
(Сарман районының Ләке авылында Яков Бормотиннан язып алынган)
3. Берән, икән,
Алма тикән.
Сагылдырык — сары тай,
Тугылдырык — туры тай.
Туры атым, наум, чыгым,
Турылыгым, тор да чык!
(Әлмәт районының Илтән-Бута авылында Миша Андреевтан язып алынган)

Чыганак: "Татар халык иҗаты" китабы