Төрледән-төрле ни төрле

Бәрәңге ризыкларын дөрес пешерәсезме? - киңәшләр

Туганайлар, 5 октябрь 2024 - 07:15

189

Хуҗабикәләргә көндәлек тормышта кирәк булган киңәшләр тәкъдим итәбез.

Бәрәңге ризыкларын дөрес пешерәсезме? - киңәшләр

Бәрәңге боламыгына сөтне салкын килеш өстәмәгез, төсе ямьсезләнәчәк, каралачак. Аңа сөтнең кайнары гына туры килә.
Пешкән бәрәңгене ыклау белән төймәгез, бәрәңге дә тигез төелмәс, ыклау да ярылыр. Моның өчен махсус төйгеч бар.
Бәрәңге пешә торган кәстрюлгә суны күп салмагыз – ул бәрәңгене 1 см гына капласын.
Кыздырылган бәрәңге әзерләгәндә тозны яртылаш әзер булганда салсагыз, яхшырак булыр.
Искерә, картая башлаган бәрәңгене әзерләгәндә суына бераз шикәр өстәсәгез, тәмләнер.
Пешкән бәрәңге, алманы, борчакны йомшартасы я угычтан чыгарасы бар икән, моны алар кайнар чакта эшләү кулайрак булыр. Суынгач авыррак була.
Бәрәңгене уртача көчтәге утта пешерегез, тигезрәк күперер. Зур утта бәрәңге тышы шартлый башлый, эче пешми кала. Бәрәңге изелмичә пешсен дисәгез, суы кайнап 15 минут узгач, аны саркытыгыз да, парда пешереп бетерегез. Шулай ук суга чирек чәй кашыгы уксус өстәп була.
Бәрәңгене тышы белән пешергәндә, берничә җиреннән чәнечке белән тишегез, шулай иткәндә яргаланмас.

Следите за самым важным и интересным в Telegram-каналеТатмедиа

Керәшен дөньясындагы яңалыкларны ВКонтакте, Телеграм-каналда карап барыгыз.

Хәбәрләрегезне 89172509795 номерына языгыз, шалтыратып әйтегез.

Telegram-канале
Подробнее: http://tuganaylar.ru/news/novosti/aybagyru-byt

Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.