Бакчачыларга киңәшләр

Яфраклы салат, кориандр, базилик, укроп шикелле аш тәмләткечләрне дә, 2 атналык ара белән, июль уртасына кадәр утыртырга мөмкин. Шул чагында табыныгызда яшел тәмләткечләр өзелмәс. 

* * *
Бакча җиләген тукландырыгыз, чирле яфракларын өзеп алыгыз һәм дым җитмәсә, су сибегез (әмма артыгы ярамый). Җиләкләр арасына бераз агач көле сипсәң дә, яхшы.

* * *
Нәркис, сөмбел (гиацинт), декоратив суган, тюльпан чәчәк атып бетергәч, яфраклары кипсә дә, алып ташламагыз (файдалы матдәләре суганчаларга күчәчәк). Яфраклары корыгач, тюльпан һәм гиацинт суганчаларын казып алып, күләгә урынга куеп торыгыз. Калганнарына кагылмагыз — бер урында дүрт ел үссеннәр.

* * *
«Төрек» гвоздикасы, ала миләүшә (анютины глазки), алтын чәчәк (маргаритка), күгәрчен күзе (незабудка) шикелле икееллык чәчәк орлыкларын түтәлгә утыртсагыз, киләсе җәйдә матур чәчәкләр белән сөендерерләр.