Тарталеткада тавык һәм ананастан кабымлык

Кирәк булачак: 200 грамм тавык филесы; 200 грамм консервланган ананас; 70 грамм каты сыр; 1-2 тырнак сарымсак; 30 грамм әстерхан чикләвеге; 2 пешкән күкәй; тәменчә майонез; 10 данә тарталетка.

Пешерелгән тавык филесын зур булмаган кисәкләргә бүләбез. Шакмаклап туралган ананас салабыз. Эре угычтан уылган сыр, пычак ярдәмендә вакланган чикләвек, туралган күкәй өстибез. Салатка тәменчә тоз, борыч һәм майонез салып, яхшылап болгатабыз. Әлеге массаны тарталеткаларга тутырасы. Тарталетканың өстенә вакланган чикләвек өстәргә һәм яшеллек белән бизәргә мөмкин.