Помидор үсентеләре өчен катнашма

Йод эремәсе. 3 литр суга 1 тамчы йод өстәргә. Эремәне өстән сиптерергә була. Бер тапкыр тукландыру җитә. Гөмбәле чирләрдән саклый, үстерә.

Көл төнәтмәсе. 2 литр кайнар суга 1 стакан агач көле салып, бер тәүлек төнәтергә. 10 литр булганчы су кушарга һәм үсентеләргә сибәргә. Иң күбе айга ике тапкыр болай тукландырырга мөмкин. Ул сабакны калынайта, тамыр системасын ныгыта, чирдән саклый.

Чүпрәле тукландыру. 10 литр җылы суга 10 г коры чүпрә, 1 аш калагы шикәр комы кушып, 2-3 сәгать төнәтергә һәм сибәргә. Сезонга өч тапкыр тукландырырга була. Тамырларны үстерә, ныгыта.

Суган кабыгы төнәтмәсе. 2 литр кайнар суга 1 стакан суган кабыгы кушып, бер тәүлек төнәтергә. 10 көнгә бер үсентеләргә сиптерергә була. Үсемлекләрне корткычлардан саклый, ныгыта.

Йорт.Бакча.Рецептлар.

Фото: «Туганайлар»